𝘿𝙚𝙖𝙧 𝘽𝙖𝙙 𝙇𝙪𝙘𝙠, 𝙡𝙚𝙩’𝙨 𝙗𝙧𝙚𝙖𝙠 𝙪𝙥.

一如既往呢個願望...

𝘿𝙚𝙖𝙧 𝘽𝙖𝙙 𝙇𝙪𝙘𝙠, 𝙡𝙚𝙩’𝙨 𝙗𝙧𝙚𝙖𝙠 𝙪𝙥.

一如既往呢個願望許了好多年, “但崩壞的命盤, 樣樣亦太一般, 無一欄可自滿”, 願望一直沒實現... 朋友之間都知道我係極致’地獄黑仔意外王’, 喺我人生總會經常發生一啲意料之外又意想不到嘅特別“驚喜“, 豐富我嘅人生~ 尤其喺過去一年, 連環不幸事件發生, 讓我措手不及, 當中有感到憤怒委屈困擾無助無奈, 亦有傷心難過和失去, 心裏面問過自己好多次點解, 點解會咁, 最後我依然相信發生種種一切總有佢嘅旨意, 隨着時間, 你會慢慢學會面對, 釋懷, 懂得放輕甚至放低, 每一次經歷都係一個成長嘅機會, 學費可能會幾沉重, 要發生嘅總要發生, 唔發生嘅都發生咗, 咁唯有盡量去擁抱同承認佢就係你人生嘅一部份啦~ 我個子雖小, 但種種經歷磨練得我內心強大, 喺度數算我嘅恩典嘅時候其實發現神一直對我不薄, 佢一定係好睇得起我先會允許呢啲過去發生喺我嘅身上, 我同佢講我相信祢嘅恩典夠我用, 但真係唔使獲獲都咁金嘅, 結果每過一段時間, 佢又會俾啲新考驗嚟試煉吓我, 好使我茶餘飯後多咗咁多新鮮搞笑juicy話題同我啲摯友分享, 甚至我可以成為其他人嘅見證, 祝福身邊嘅人～ 有時幸運與不幸, 只係取決於你嘅心態, 快樂不快樂係你自己嘅決定!

Life is tough but so are you!
共勉之~

“𝙼𝚢 𝚐𝚛𝚊𝚌𝚎 𝚒𝚜 𝚜𝚞𝚏𝚏𝚒𝚌𝚒𝚎𝚗𝚝 𝚏𝚘𝚛 𝚢𝚘𝚞, 𝚏𝚘𝚛 𝚖𝚢 𝚙𝚘𝚠𝚎𝚛 𝚒𝚜 𝚖𝚊𝚍𝚎 𝚙𝚎𝚛𝚏𝚎𝚌𝚝 𝚒𝚗 𝚠𝚎𝚊𝚔𝚗𝚎𝚜𝚜.“

𝟸 𝙲𝚘𝚛𝚒𝚗𝚝𝚑𝚒𝚊𝚗𝚜 𝟷𝟸:𝟿

#Y小姐連環不幸事件
#countingmyblessings

p.s. 呢張相係懾於之前其中一個生日飯局, 我生日已經過咗成個月, 滿月都過埋, 大家唔使再為我送上生日祝福多謝晒! =)

---